મને તારા નયનનુ છલકતુ જામ આપી દે.
હવે આપણા સબંધ ને કંઈક નામ આપી દે.
બહુ થયુ ,ઘણુ રમ્યા આંખ મીંચામણી,
એક ડગલુ આગળ ભર,કાં અંજામ આપી દે.
જા,બધી લઈ જા,તુ સનમ ખુશી મારી,
પરંતુ મોઘેરા દર્દો તારા તમામ આપી દે.
ભેખ ધારણ કરીને હુ પણ ફકીર બની જાઉ,
એનુ નામ ભુલાવી,ખુદા મુખમાં રામ આપી દે.
મારે શબ્દો સાથે મૈત્રી થઈ ગઈ છે.
ક્રુપા કર ખુદા મને શબ્દો નુ ગામ આપી દે.
એ આશથી તો સહયે જાઉ છુ દર્દો ને,
કે આવીને એ પ્રેમથી દિલાસાનુ ઈનામ આપી દે.
દર્દ સાંભળી રડે છે કાગળ અને કલમ પણ,
મહેરબાની કર એમને તુ થોડો આરામ આપી દે.
દિલ મારુ,ગુનાહો મારા,આ દર્દો પણ મારા છે,
‘ઈશ્ક’નિષ્ઠુર નથી કે તારા પર ઈલ્ઝામ આપી દે.
‘ઈશ્ક’પાલનપુરી
