બ્લોગ વિષે

(1)વેલેન્ટાઈન ડૅ ના આગળ ના દિવસે મને થયુ કે આ વેલેન્ટાઈન ડૅ ના દિવસે મીત્રો ને કંઈક ભેટ આપવી છે એ વિચારે જ આ બ્લોગ નો જન્મ થયો છે.જેમા મારી સ્વરચનાઓ નો શમાવેશ કરેલ છે

                                                                                 ઈશ્ક’પાલનપુરી

(2) બ્લોગ જગતમાં પ્રવેશ કર્યા પછી મારાબ્લોગ વિષે વધુ બે શબ્દો

સુજ્ઞ,
વાચકશ્રી,
કુશળ હશો,
આપશ્રી એ મારાબ્લોગની મુલાકાત લીધી તેમજ મારી રચનાઓ વાંચી એ બદલ ખુબ ખુબ આભાર.
હુ નવોદિત છુ તે સહર્ષ સ્વીકારુ છું તેમજ બ્લોગ થકી મારી લાગણીઓ આપની સમક્ષ મૂકી રહ્યો છુ.આ મારો સાહિત્ય સમીપ જવાનો,સાહિત્ય જીવવાનો,તેમજ સાહિત્ય શીખવાનો પ્રયાસ છે.વધુ માં છંદવિનાની રચનાઓને સાહિત્યજગતના વિશાળ ફલક ઉપર મુકી ના શકાય એને ફક્ત અંગત ડાયરીની શોભા વધારવા માટે નકલી આભુષણ તરીકે વાપરી શકાય. આ વાત સાથે હું સંમત છું,પરંતુ અમારા જેવા નવોદિત કવિઓની આકાંક્ષા એટલીજ કે મઠાર્યા વિનાની અને અધકચરી એવી અમારી રચનાઓને આપ જેવા તજજ્ઞ વાંચે અને અમારી ભૂલોથી અમને અવગત કરાવે, સાહિત્યની સાચી સમજ આપીને અમને સાહિત્યના સાચા રસ્તે દોરે કે જેથી કરીને અમારા જેવા નવોદિત કવિઓને ,સુકોમળ એવી શબ્દદેવી ના સાચા અર્થને સમજવાનો,એને પામવાનો, અને ગઝલ જ્ઞાનના અગાધ સાગરમા ઊંડા ઊતરવાનો અવસર મળી રહે….મારા આ પ્રર્યાસ થી સાહિત્યને કોઈ જગ્યાએ હાની પહોચી હોય તેમજ તજજ્ઞોને સાહિત્યની કુસેવા લાગી હોય તો ક્ષમાપાર્થી છુ.નવોદિત ગણી મને માફ કરશો જ એવી મને ખાતરી છે. આ રીતે અવાર-નવાર અમને મર્ગદર્શન આપતા રહેશો તો અમને ગમશે.ક્યારેક વિનાસંકોચે ટકોરશો તો વધુ ગમશે
ગઝલના છંદ(પિંગળ) શિખવાની ઉત્કંઠ ઈચ્છા સાથે
આપનો
‘ઈશ્ક’પાલનપુરી
૦૩/૦૪/૨૦૦૮