હતો જ્યાં હૃદયમાં સદા વાસ એનો ,
હવે ‘ઇશ્ક’ દિલમાં જખમ સાચવે છે .

પતંગાને છે જીવનમાં અજવાશની ખોટ.
જોઈ જ્યોતને દુરથી મુકે છે દોટ.

મુખમાં બસ જ્યોતિનું જ નામ છે.
તેને ત્યાં પહોચવાની ઘણી હામ છે.

થાક્યું પાક્યું એ જ્યોત સાથે અથડાય છે.
જીવંત છેવટે એ તેલમાં પછડાય છે.

પાંખો પટપટાવી બળ એકઠું કરે છે ફરી,
ઉતાવળું બની દોટ મુકે છે એ ફરી .

શું કરે બિચારો ? ફરી નીચે પડી જાય છે.
નિરાશ બની પડ્યો પડ્યો એ રડી જાય છે

કહ્યું કાનમાં ‘ઇશ્ક’ અમે કે તું બચી ગયો!,
અફસોસ કે બળ્યા વગર હું જીવંત રહી ગયો.

The Blog-Health-o-Meter™ reads This blog is on fire!.

Crunchy numbers

A Boeing 747-400 passenger jet can hold 416 passengers. This blog was viewed about 1,900 times in 2010. That’s about 5 full 747s.

In 2010, there were 3 new posts, growing the total archive of this blog to 20 posts.

The busiest day of the year was August 6th with 62 views. The most popular post that day was મારે કાયમ શ્રાવણ જેવું..

Where did they come from?

The top referring sites in 2010 were royalrabari.com, facebook.com, vinelamoti.com, networkedblogs.com, and sulabhgurjari.com.

Some visitors came searching, mostly for રુપાળી, સબંધ, jay vadvala, rabari, and gujarati sabndho.

Attractions in 2010

These are the posts and pages that got the most views in 2010.

મારે કાયમ શ્રાવણ જેવું. August 2010
14 comments and 1 Like on WordPress.com,

‘ઈશ્ક’પાલનપુરી February 2008
18 comments

‘ઇશ્ક’ની શાયરી બોલશે! November 2010
9 comments and 2 Likes on WordPress.com

બ્લોગ વિષે February 2008
16 comments

મૌન થોડુંક તો બોલવું જોઇએ October 2009
24 comments and 1 Like on WordPress.com,

હો ભલેને સરળ આકરી બોલશે!
એ નહીં ‘ઇશ્ક’ની શાયરી બોલશે!

કાન’ને રાધિકાના સબંધો વિશે.
માટલી બોલશે, કાંકરી બોલશે.

છે પરિચય રજે રજ મને એમનો,
બોલશે જે સનમ આખરી બોલશે.

ચાહું છું હું તને કેટલું પૂછજે !
મે તને આપેલી ઝાંઝરી બોલશે.

‘ઇશ્ક’ પાલનપુરી

તું ધરા બની તૃષા દર્શાવે

અને મારું ચિત પ્રેમરૂપી

ઘેરાં કળા ડિબાંગ વાદળોથી ઘેરાઈ જાય ,

હું ગગન બની તારા પર વરસી પડું ! ‘ને

એક રંગ બે રંગી મેઘધનુષ્ય રચાઈ જાય

આપણા પ્રેમનું !!!

-ઇશ્ક પાલનપુરી

શાને લાગે ભારણ જેવું,
ક્યાં છે કોઈ કારણ જેવું.

આંસું જેવો ખારો નાતો
લાવું ક્યાંથી ગળપણ જેવું.

આંખોને કોરુંકટ તારે,
મારે કાયમ શ્રાવણ જેવું.

ચાલ ફરીથી રમવા ઘર-ઘર
વીતેલા એ બચપણ જેવું

વાત કરવી હતી ‘ઈશ્ક’ને જાતથી,
કોઇતો એકલા છોડવું જોઈએ.

કશી પણ વાતનું ક્યાં ભાન રાખું છું
તમારી લાગણીનું માન રાખું છું.

હું મારાથી વધારે ધ્યાન રાખું છું
હદયમાં જેમનું પણ સ્થાન રાખું છું

ગયો હું દોરવાઈ એમની વાતે,
કરું પણ શુ? હું કાચા કાન રાખું છું.

કરું સરખામણી મારી સુરજ સાથે,
અદલ એવું જ હું અભિમાન રાખું છું

સુરજને

ઘેલું ચડ્યું છે

પોતાનો

પડછાયો શોધવાનું

એટલે બિચારો !

ભટક્યા કરે છે

સવાર થી સાંજ સુધી

પુકારે મહેફિલ મને દોસ્તોની,
વળી રાહ જોતી નજર ઓળખે છે.

કહોને હું એ છું સબંધી તમારો,
મને ક્યાં તમારાં વગર ઓળખે છે.

તમારે ખભો આપવાનો છે દોસ્તો,
કફન ઓળખે છે,કબર ઓળખે છે.

હું છું ‘ઈશ્ક’પાલનપુરી,ઓળખો છો?
મુસાફિર,શરદ ને અમર ઓળખે છે.

-’ઈશ્ક’પાલનપુરી

[છંદઃલગાગા લગાગા લગાગા લગાગા]